MƏNİ ÖZGƏLƏRDƏN GEDİB SORUŞMA!

Baxıram gözlərim gözündə qalır,
Çəkib sürətini qəlbimə salır.
Süzgün baxışından məhəbbət yağır,
Qəlbə damarlardan təzə qan gəlir,
Mənə həyat gəlir, mənə can gəlir.

Qəribə olurmuş düzü cavanlıq,
Çəkirəm gözümü səndən bir anlıq,
San ki, həyatıma çökür qaranlıq,
Dünya gözlərimdə qaralır onda
Bir zülmət görürəm həyat yolunda.

Bəlli olmasa da kimliyim sənə,
Gözəlim, məhəbbət, ilham ver mənə.
Mənsə şeir yazım sənin eşqinə,
Gözlərim gözünə baxanda çaşma
Məni özgələrdən gedib soruşma!

29-08-2020
Vüsal Ağayev