"...hər daşın altından səni tapıram.
Mən hara gedirəm,
varsan orda sən.
Baxdığım səma da,
batan günəş də,
gəzdiyim şəhər də,
küçə, yol da sən.
Darıxır saçlarım əllərin üçün...
(hansı ki, onlara toxunmamısan.)
Bir sətir şeirli kiçik kitabsan,
hansı ki, heç zaman oxunmamısan.
Üzün də gözümə doğma görünmür.
yadımdan itirsən,
yada dönürsən.
Bir gecə öldürüb gömürəm səni,
sən yenə dirilib,
yenə ölürsən.
Bir parça mahnıyla düşürsən yada,
bir qədəh şərabla sevirəm səni.
Dərdləşib buludla,
yağış,
dumanla,
bir qədər əzabla sevirəm səni.
Kül olan rəsminlə vidalaşıram,
evimin damından qəmi atıram.
Maraqlı adamsan,
mən hara getsəm,
hər daşın altından səni tapıram."