Telefonu kənara qoymamaqla yubanma.
Zaman elə qaçır ki, çox gec olur çatanda.
Hopur bütün ruhuna bütün dərd etdiklərin,
onları çətin olur öyrəşərkən atanda.

Qırma qəlbin aynasın...
Kəsər əli, iz qalar.
Saç ağarar, dən düşər,
əlli gedər, yüz qalar.
Dağ-dağa rast gələndə
dağ dağılar, düz qalar.
Mini keçər yaşından
bu ahıl yaddaşında
min insanın içindən
bircə dənə üz qalar,
onda dolar gözlərin
yad edərsən yadları.
Kimlər gəlib getdisə
cisimləri yol aldı,
yadda qaldı adları.

Nə qədər ki, gec deyil
vitrində ən bahalı libasa pul ver, geyin.
Göydə ən çox parlayan
ulduzu sev,
qucaqla.
Bu dünyanı nağıl bil.
Sevgi yaşa, sevgi gəz.
Dünyadan xoş gedənlər
sevənlər olacaqlar.