Bir kəlmə sözü də çox görmə daha.
Gedirsən,
"Haçansa dönəcəyəm." de.

İntizar içində saxlama məni.
"Sevmirəm...
Haçansa sevəcəyəm." de.

Sən danış yetər ki...
qəlbi qırsan da
yadigar qalacaq sözlərin mənə.
O incə naxışlı,
çiskin yağışlı,
o dəniz baxışlı gözlərin mənə.

Mən sənə yad olan şirin sözlərəm...
Min insan içində səni özlərəm.
Gecələr yatmaram səni gözlərəm.
Sən qayıt yetər ki...
"Dönəcəyəm." de.

Şəklini divardan asıb saxlaram.
Keçmişi unudub geri baxmaram.
Şərab tək dodaqdan qəlbə axmaram.
Sən qayıt yetər ki.
"Sevəcəyəm." de.