Yaşamını itirmiş kəpənək tək yerində
dayanırsan günbəgün
quruyur qanadların,
itir rəngin.
Gedirsən.
Gücüm çatmır sormağa.
Niyə belə edirsən?

Gah üzülüb susursan,
hər şeyə göz yumursan.
Gah da bərkdən danışır,
hər şeyə söz olursan.
Niyə belə edirsən?

"Var" dediyindir yoxun...

Yada düşməzkən qoxun
bu qəlb bu dərddən çoxun
gəzmir, inan, axtarmır.
Boşluqları boş verib,
xoş olanı xoş bilib
fərz elə iki gözüm
daha səni axtarmır.
Sən də çıxıb gedirsən.
Niyə belə edirsən?