Kim deyir darıxmaq asandan asan
Kim deyir həsrətə alışıram mən?!
Gecələr yuxuda görəndə səni
Oyanıb sulara danışıram mən..

Hər yağan yağışlar, əsən küləklər
Mənimtək möhtacdır ətrinə sənin.
Mənim xoşbəxtliyim sənin boydadı
Mən necə dəyərəm xətrinə sənin?!

Bəlkə də mən səni göyün üzündə
Müqəddəs Tanrının qızı sanmışam
Bir dəfə sevməklə günah qazanıb
Min dəfə əlimdən savab salmışam…