Vaxtında açmadım yara qəlbimi,
Bürüdü bu dərddən yara qəlbimi.
Yar ola təbibim, yara qəlbimi,
Görməyə eşqimdə günahkar məni.

Döyünən ürəyim yardöşündədir,
Təbibim ol, dinlə, yar döşündədir.
İnamın yox isə yar, döşündədir.
Qoyma gözü yolda intizar məni.

Saf məhəbbət bənzər uca dağlara,
Məcnun könlüm istər uça dağlara.
Sən də, a sevgilim, uç o dağlara,
Sanma bu qədər də qəlbi dar məni.

Vüsal Ağayev