Sevdiyim qız eşit, qəlbimi dinlə,
Mən ki, yaşayıram sənin eşqinlə.
Bu işdə təqsirim varsa, səninlə
Eşqimin oduna alışmağımdır...

Sən mənim ceyranım, sən mənim ahum,
Sənsən bu dünyada könül pənahım,
Bu işdə var isə yenə günahım,
Sənlə ayrı-ayrı yaşlanmağımdır...

Eşqi sevinc verir hər sevən kəsə,
Düzünü söyləsəm müxtəsər, kəsə.
Eşidənlər məni düz başa düşsə,
Üçüncü təqsirim utanmağımdır!

Vüsal Ağayev