Yaz gələr yamyaşıl görünər meşə,
Göy çəmən, kol dibi, yaşıl bənövşə.
Şehli ləçəklərlə baxar günəşə,
Yetişər sevilən vaxtı qızların.

Axar, dağdan gələn çaylar, gur axar,
Cavanlar döşünə gül-çiçək taxar.
Göz vurar, dalınca həsrətlə baxar,
Yaz gələr açılar baxtı qızların.

Göz-gözə sataşsa, ürək alışar,
Dilə aman verməz özü danışar.
Sevən könüllərdə məhəbbət yaşar,
Bu anda qurular taxtı qızların.

Vüsal Ağayev