Ana laylaysına yatarmış körpə,
Bu şirin dilinə qurbanam Ana..
Min bir əziyyətlə böyütdün bizi,
Zəhmətkeş əlinə qurbanam Ana,
Bu şirin dilinə qurbanam Ana...

Gecəni yatmadın gözlədin məni,
Hayana getdimsə izlədin məni,
Düşməndən qoruyub gizlədin məni,
Ağaran telinə qurbanam Ana,
Bu şirin dilinə qurbanam Ana....

Ay ana "əzizsən mənə hər kəsdən,
Canıma can verdin quru nəfəsdən,
Könlümü qoymadın düşə həvəsdən,
Ətirli gülünə qurbanam Ana,
Bu şirin dilinə qurbanam Ana..

Kədərli günümə sevinci qatdın,
Özünü yandırıb həm oda atdın,
Mənim pis halımda sən qəmə batdın,
Gözdəki selinə qurbanam Ana,
Bu şirin dilinə qurbanam Ana...

Əymədin qəddini uca dağ oldun,
Ətirli, qoxulu, güllü bağ oldun,
Dost düşmən yanında üzü ağ oldun,
Həyalı ilinə, qurbanam Ana,
Bu şirin dilinə qurbanam Ana...

Uzaqlaşdın şərdən, quru böhtandan,
Qorxmadın yağışdan, tufandan, qardan,
Çətin yol olsada keçdin sınaqdan,
O əsən yelinə qurbanam Ana,
Bu şirin dilinə qurbanam Ana.