Yuxumu gözümdən oğurlayan qız
Ağ günə çıxdımı qara gözlərin
Elə ağladım ki arxanca sənin
Yuyuldu yollardan ayaq izlərin

Daha tükənmişəm,daha bitmişəm
Sənin nə xəbərin, rahat yatırsan
Mən sənə haqqımı halal etmişəm
Sən niyə yuxuma haram qatırsan?
Qayıtmaz o günlər.bilirəm indi
Qoyardım başımı sinənə hərdən
Gecəni ikiyə bölürəm indi
O yanımda sən yat,bu yanımda mən