Uşaqkən danlayıb öyüd verərdi
Hansısa bir səhvim,xətam olsaydı
Nəbilim, bəlkə də səhv eləməzdim
Bu dəqiqə həyatda atam olsaydı

Bir gün atam kimi məndə gedəcəm
Bu dünya əzəldən ölüm itimdi
Bir insan nə qədər qocalsa belə
Atası yoxdursa demək yetimdi

Kaş yenə atam sağlam olaydı
O insan arzumda,diləyimdəydi
Dünyanın ən güclü insanı idim
Atamın əlləri kürəyimdəydi

Nə qədər dost ola, tanışlar ola
Atayla heç zaman sıxılmazdım mən
Büdrəsəm dadıma çatanda olmaz
Atam sağ olsaydı yıxılmazdım mən