Səndən sonra başladı bütün pis vərdişlərim
Sənə içmirəm deyirdim, indi yenə içirəm
Ağıllı biri deyiləm daha əvvəlki kimi
İnanmasanda deyim, siqaretdə çəkirəm

Sənə yoluxandan qəm bürüyüb canimi
Xərçəngdən betər olub indi sənin həsrətin
Bilirəm, sağalmağa ümid yoxdu. Olmasın
Təki canımda qalsın ömürlük məhəbbətin

Səndən sonra dərd olub yediyim, içdiklərim
Heç kimlə danışmıram, hamıdan da küsmüşəm
Bütün günü aynaya baxıram dəli kimi
Deyən, səndən sonra yaman eybəcərləşmişəm

Səni unutmaq olmur,ay ömrümün yarısı
Man səni milyon ildi bax beləcə sevirəm
Qoy ürəyin daş olsun, lap ən nankor insan ol
Məndə səni sevməkdən vaz keçə ki bilmirəm

Xəyalın gözlərimdən çəkilmir ki çəkilmir
Elə bilki gözlərimə köçüb, məskunlaşmışan
Səndən sonra başıma daş olub xatirələr
Ən böyük arzum olub ürəyimdə qalmısan

Bəxtəvərdi olduğun şəhərin küçələri
Qədəmlərin dəyən yer necəfə bəxtiyardi
Mən sənə həsrət ikən, səni israf eyləyən
Səni incidən kəsin görən insafi varmı?

Dua olub düşmüsən ürəyimdən dilimə
Adını zikr eyləyib, dilimdə gəzdirirəm
Sən Allaha çatmayan niyyətimsən ucaboy
Qəbul olunmasan belə, milyon "Amin" deyirəm

Məni hardasa görsən tanımazsan, bilirəm
Daha gözəl deyiləm, gözəlliyim puç olub
Öpməyə qıymadığın qara gözlü birdənən
Sənsiz yetim qalandan yaşa dolub, qocalıb

Səndən gələn nədirsə dərd deyilaa biləsən
Dərdin canımdan şirin, həsrətin candan əziz
Çəkdirdiyin acıya dözəcək daş ürəyim
Dözəcək dözməyinə, yaşayacaq da sənsiz

Yaşayacaq deyirəm, sənsiz yaşayırammı?
Allaha yalvarıram, alsın sənsiz bu ömrü
Sənsiz cənnət yerinə, sənli cəhənnəm olsun
Özüm gedib sarılım, qucaqlayım ölümü

Qayıdacaq deyirdi ürəyim öz qəlbinə
Yalandı eee, gedənlər geriyə dönməyəcək
Məni özündən qovan ürəyindən öpürəm
Heyf, kimsə o qəlbi mənimtək sevməyəcək

Səndən sonra başladı bütün pis vərdişlərim
Günahı mənim olsun, mən ki sənə qıymaram
Cəzamı da çəkirəm, dərsimi də almışam
Sevgim halalın olsun, halalın,