Mən səndən nə üçün küsüm, inciyim
Sən mənə onsuzda yar olmadin ki
Elə də deyirsən,mən yoxam daha
Həmişə yox oldun, var olmadın ki

Səni bir nəfəs tək içimə çəkdim
Gözümü sən gələn yollara dikdim
Qəlbimdə sənincün gül-çiçək əkdim
Soldurdun bağçama bar olmadin ki

Çəkilmir həsrətin arası-ardi
Sanki bu intizar tək mənə yardı
Səni sevən qəlbim haray qopardı
Bağışla səsindən kar olmadın ki?


Deyirlər vəfasız unudub andı
Özgəyə olubdur yar nə zamandı
Səni deyə deyə ürəyim yandı
Rəhm edib bir ovuc qar olmadın ki

Sevgin ürəyimə bir yara salıb
Adın ürəyimdə əbədi qalib
Yaralı qəlbimin havasın çalıb
Şikəstə könlümə tar olmadın ki