Şimşək çaxar göy üzündə,
Yağış yağar gülər üzlüm.
Yağış kəsər günəş çıxar,
Səbrli ol gözəl gözlüm.

İnsan sevər bir insanı,
Hər əzaba dözər gülüm.
Tənha qalıb xoşbəxt olan,
Varsa mənə göstər görüm.
***
Biz ki böyük təmtəraqlı,
Məclis etdik olsun toy.
Odur ki bu tənhalığın,
Nöqtəsini sən özün qoy.

Bəlkə səsim çatmır sənə,
Eybi yoxdur sən özün duy.
Əlini qaldır ürəyinə,
Gözünü yum üstünə qoy.
***
Bizə gülər tanıyanlar,
Sən ayrısan mən ayıram.
Niyə belə sevirəmsə,
Səndən ayrı qalmalıyam?.

Körpəmiz doğulan kimi,
Mən yanında olmalıyam.
Gülüm sənin ürəyində,
Azad kimi qalmalıyam.