Bu gecə mən susum qələm danışsın,
Ruhumun sədası yayılsın göyə.
Qarşımda bu vərəq yansın alışsın,
Küllər qalaqlanıb tökülsün yerə.

Səmanı bürüsün qaralan bulud,
Başının üstünü buludlar alsın.
Yazıram sevgidən bir neçə kəlimə,
Mən ölsəm bu sənə xatirə qalsın.
***
Kənardan gördüyün bu ev bu otaq,
Qalsam gecələri çöldü bayırdı.
Nə etsəm isinmir soyuqdur yataq,
Varlığın qəlbimdə od qalayırdı.

Boşuna suallar yormasın səni,
Düşünmə bizləri kimlər ayırdı.
Yuxuda əllərin boğmasın məni,
Onsuzda ürəyim yas saxlayırdı.
***
O vaxtlar etdiyin səhvlərə görə,
Əlini buraxdım səhvin var idi.
Qaraya büründü ağ görünənlər,
Girdiyin saxtakar donlar ayırdı.

Azadın sözündə hikmət axtarıb,
Dünyanın yükünü çək sola-sağa.
Elə bir həyəti seçmisənki sən,
Heç biri yaraşmır güllərin bağa.