HƏSRƏTIMƏ DOYUB GET

Mən artıq alışmışam həsrətinlə yatmağa,
Sən gedəndən səngimir gözlərimin yaşı da.
Ürəyimdən süzülüb, gözlərimdə qalmısan,
Səndən bir xatirədir alnımın qırışı da.

Bir sağalmaz yarasan, gecələri sızlayan,
Gəl yuxuma məlhəm ol, unutdur acıları.
Bir az ürək-dirək ver, de ki keçər zamanla,
Yoxsa çıxar sonuma, bu ürək sancıları.

Sığal çəkib telimə, həsrətimə doyub get,
Göz yaşına hakim ol, selində boğularsan.
Dodağının izini yanağımda qoyub get,
Birdə gəlsən dünyaya mənimçün doğularsan.

✍️ Bəxtiyar Nemətli.