GÖZLERINDE QALMIŞAM.

Gözler qelbin aynasıdır deyirler,
Senin gözün qelbin qeder gözelmiş.
Gözlerini süzüb mene baxandan,
Üreyimde eşq ateşi közermiş.

Ressam kimi qara rengli qelemle,
Xumar göze, nazik sürme çekmisen.
Qoy gözlerin gözlerime alışsın,
Baxışını baxışımdan çekme sen.

Gözel var ki, gözlerinde qem yükü,
Senin gözün etrafına nur saçır.
Bir cüt gözde böyük ürek sevgisi,
Baxışların seadete yol açır.

O gözleri deyişmerem dünyaya,
Sevgi dolu baxışına dalmışam.
Neçe vaxtdır axtarıram özümü,
Yeqin azıb gözlerinde qalmışam.

✍️ Bextiyar Nemetli