Bağışla
Bir sabah yuxudan oyanacağam,
Bir mesaj yazacam məni bağışla,
Mən səni itirmək istəməmişdim,
Ayırdım özümdən səni bağışla.
-
Bilmədim hər gecə tək yatağımda,
Bir kiçik daxmada ölərəm sənsiz,
Bilmədim ayrılıq ölümdən betər,
Sanırdım özümə gələrəm sənsiz.
-
Yükləyib çiynimə bütün dərdləri,
Kimsəsiz bir yuva bir ev qurmuşam,
Sən hardan biləsən itirməməkçün,
Mən səni hər kəsə unutdurmuşam.
-
Nə indi mən varam nə bir biz varıq,
Doğmalar yadlaşır ələnir indi,
Bir zaman müqəddəs sandığın insan,
Özgədən məhəbbət dilənir indi.


Müəllif:Elgün Dəniz