Tez küsən sevgilim, indi hardasan?
Bu dəfə bu küslük çox çəkmədimi?
Biz axı küsəndə tez barışardıq,
Ayrılıq sənə də çox gəlmədimi?

Günəşim sən idin, sən də ki soldun..
Gündüzüm gecəyə qarışıb indi
Bir biz barışa bilmədik əfsus,
Şeytanla mələk də barışıb indi.

Barışmaq istəsən qayıt, gəl geri
Mən də peşmanam, mən də, sevgilim.
Onsuz da hər şeyi özüm etmişəm,
Yoxdur heç bir günah səndə, sevgilim