İstədim sənə bir məktub göndərim,
Yazım ki, qar yağıb ləpirlərinə.
Darmadağın olmuş qəlbin yükünü,
Necə sığışdırım sətirlərimə?

Yıxıb açılmayan sabahlarımı,
Arxaya baxmadan çıxıb getmisən.
Yarı yolda qoyan günahlarını,
Cızdağın çıxarıb, yaxıb getmisən.

Qışdır, pəncərəmdən boylanan günəş,
Buz kimi evimi isidəcəkmi?
Qurutmaz islağı bu od, bu atəş,
Xatirən buluddan süzüləcəkmi?

İstədim mən sənə məktub göndərim,
Yazım ki, qar yağıb ləpirlərinə.
Darmadağın olmuş qəlbin yükünü,
Necə sığışdırım sətirlərimə?

Adilə Aslan