Heç bilmədim hardan çıxdın qarşıma
Nə eylədin gəldin mənim xoşuma
Rəhm etmədin gülüm cavan yaşıma
Sən Məni öldürməyi bacardın

Sevdim səni ümidlərim yox oldu
Sevincim az dərdi qəmim çox oldu
Kipriklər kaman gözlərin ox oldu
Sən Məni öldürməyi bacardın

Bir qəlbi ikiyə bölmək çətinmiş
Ağlaya-ağlaya gülmək çətinmiş
Yaşaya-yaşaya ölmək çətinmiş
Sən Məni öldürməyi bacardın

Bir dəfə gəl o daş qəlbini dağla
Gözlərimi incə əlinlə bağla
Ağla qurban olum doyunca ağla
Sən Məni öldürməyi bacardın