Arzudan o yana.
Əllərin əlimə dəyməyəydi kaş
Saçların üzümə toxunmayaydı
Gərək əvvəlki tək sən ürəyi daş,
Ələ əvvəlki tək saymaz olaydın…
Bu istilik hardan
Sanki buz idin.
Qəlbimdən sən niyə ovcuma düşdün?
Sən mənə əlçatmaz bir ulduz idin.
Göylərdən qolumun üstünə düşdün
Bu da vüsal günü…
Yox səvinmirəm.
İndi darıxıram, bəs nələr üçün?
Mənmi bu zirvəyə çıxdım bilmirəm
Yoxsa sən darıxdın dərələr üçün
Dünənə yol yoxdur zaman apardı
Təəssüf zamana çatarmı görən?
Daha sənə gələn yollar qurtardı
Arzudan o yana yol varmı dəyə
Ötən günlərimə bir ümman dədim
Boşaldı ürəyim dolmur ki, dolmur.
Limana çatmışam haraya gədim?
Dənizə məqsədsiz qayıtmaq olmur.
(Nüsrət Kəsəmənli)