Dejavu - Fransızca köklü bir termindir və "daha öncə görülmüş" mənasını verir.
Dejavu, hal-hazırda yaşanılan bir hadisəni öncədən yaşanmış və ya görülən bir yeri öncədən görmüş olma duyğusudur. Anı öncədən yaşamışlıq halıdır. Fransızca; "déjà" (öncədən) və voir (görmək) felinin keçmiş zaman forması olan vu'nun birləşməsindən yaranmışdır.

Beynin, yorğunluq və ya başqa səbəblərdən bir görüntü, səs və başqa hər hansı bir hadisəni, giriş anında qavraya bilməməkdən əmələ gələ bilər. Beyin bu hadisəni qavradıqda insan bu hadisəni öncədən yaşadığı hissinə gələb bilər.

Həmçinin, beynin sağ yarımkurəsi ilə sol yarımkurəsinin milli saniyədən daha kiçik bir zaman fərqi ilə işlədiyindən də ola bilər. Bir tərəf digər tərəfdən öncə qavradığı üçün gec qavrayan tərəf bu hadisənin öncədən yaşanmış olduğu yanılmasına qapılır. Bu vəziyyət sinir hüceyrələrindəki kiçik bir sapmadan da baş verə bilər.

Araşdırmalara görə insanların 50% dən çoxu həyatlarında ən az bir dəfə dejavu vəziyyətini yaşamışlar.

İnsanların çoxu bir müddət sonra ən son nə zaman dejavu yaşadığını unudur.
Adətən qavrayış ve reaksiya arasında keçən və əslində bizim fərqinə varmadığımız gecikmə müddətini qısaldığı zaman görürük və bunun nəticəsində narahatlıq hissinə qapılırıq.Həmçinin müxtəlif sinir xəstəliklərində "déjâ vu" hissi daha tez-tez yaşanır.