Narsistlər - ən sadə dillə desək, özünə aşiq insanlardır. Ətrafdakı insanlardan duyğu naminə nə varsa, sovurub onunla bəslənərlər. Hər zaman başqalarından tərif, alqış, rəğbət gözləyirlər. Lakin özləri heç bir şey verməyə yanaşmazlar. Belə insanlar özlərini o qədər bəyənirlər ki, güzgünün qarşısında uzun vaxt keçirə bilərlər. Bu uşaqlar üçün normal bir haldır. Yeniyetmələr də, bədənlərində əmələ gələn dəyişikliklərlə əlaqədar güzgüyə çox baxa bilərlər. Bu da, normaldır. Ancaq 30-40 yaşlı birisinin güzgü qarşısında saatlarla özünə baxmasını heç birimiz normal qarşılamarıq. Narsizm sadəcə özuünü bəyənməkdən ibarət şəxsiyyət tipi deyildir. Onlar başqalarını istismar etmək barədə birinci yerdədirlər. Öz mənfəətləri üçün hər kəsi əzib keçə bilərlər. Hətta, buna Peşman belə olmazlar.