Cənnət ola qürbət , yenə vallah , Vətən olmaz .
Qürbətdə şah olsan da , bir arzun bitən olmaz .

Əcdadımızın türbəsi torpaq ---- kökümüzdür ,
Torpaqsız açan buğda dənindən də dən olmaz .

Kökdən aralandınsa işin düşdü qəzaya ,
İmdadına , fəryadına bir dəm yetən olmaz .

Elçin çəkilən hər bir əzab min çiçək açmış ,
Yurdunda elin çəkdiyi zəhmət itən olmaz .

Yurd eşqi bütün sevgilərin tacıdır əlbət ,
Haqdan doğulan qibləyə heç vaxt çatan olmaz .