Deyirdin, ömürluk sevib-sevilək,
Sözünlə hər an ovutdun məni,
Bir zaman eşqimlə yanan o ürək,
Bəs, necə oldu ki, unutdun məni

Getdiyin yollarda qalan iz idim,
Dünyaya baxdığın bir cüt göz idim,
Mən sənin yadında qalan söz idim,
Bəs, necə oldu ki, unutdun məni...

Bu qədər sevmişdin, bu qədər, demək,
Yalanmiş dediyin ''Xoş günlər görək'',
Getmək istəyirdin, deyəydin, gərək,
Bəs, necə unudum indi mən səni ?!