Bax zaman necə tez ötüb keçir

Gün gəlir, ən çılğın sevgi də bitir

Həsrətin bir anda yox olub gedir

Görəsən yenidən sevəcəyəmmi?


Ayrılıq qəlbimi yandırır yaxır

Gözlərim hər kəsdə səni axtarır





Əllərim titrəyib bu sözü yazır

Görəsən yenidən sevəcəyəmmi?


Deyirdin unutmaq asandır asan

Deyirdin hər şeyi həll edir zaman

Yeni bir səhifə açdığım o an

Görəsən yenidən sevəcəyəmmi?




Dostluğun da mənə xatirə qalıb

Gözündə gözümün həsrəti qalıb

Bu böyük sevgidən indi nə qalıb?

Görəsən yenidən sevəcəyəmmi?