Birdən gözlərini açsan xəbərsiz
Görərsən qalmısan mənsiz, sevgisiz
Onda gec olacaq qayıtmaq üçün
Mənim bu könlümdə sevilmək üçün.

Səninçün məhəbbət şirin bir sudur.
Sözlərin bitincə süzüb içirsən.
Səninçün sevgimiz adısz şerdir
Qafiyən itincə pozub gedirsən.

Sevgi mələyimin qanadı sındı
Bitməmiş sevginin qələmi sındı
Sən mənə dönsəndə mən gəlməyəcəm
Artıq qürurumu məhv etməyəcəm

Artıq gecikirsən zamanın bitir
Səninlə yaşayan günlərim itir
Sənə qarşı olan sevgim tükənir
Artıq qayıtsan da sənin deyiləm