Sevib-sevilənlər cox gozəl bilir,
Olmayib vəfası ilk məhəbbətin.
Izləyir aşiqi son mənzilədək,
Şirin macərası ilk məhəbbətin.

Mənim dediklərim şikayət deyil,
Urəklər yandıran hekayət deyil,
Həqiqi aşiqe kifayət deyil-
Tükənməz cəfasi ilk məhəbbətin.

Sevgisiz gül-çiçək bitməz,ey könül
Insan muradina yetməz,ey könül
Nədəndir bilmirem getməz,ey könül,
Başimdan sevdasi ilk məhəbbətin?!

Bu dərdə neyləsin logmanin əli?
Əlimə dəyməmiş cananın əli,
Döydü qapımızı hicranın əli,
Budurmu mənası ilk məhəbbətin?!

Mən onu sevmişem bir ilk baharda,
O məni tərk etdi boranda,qarda.
Hər yara sağalıb,unudular da,
Sağalmaz yarası ilk məhəbbətin!!!